ڈسٹرکٹ اینڈ سیشن کورٹ اسلام آباد نے مالی فراڈ کیس میں سابق وفاقی وزیر اطلاعات فواد چوہدری کی ضمانت منظور کر لی۔
سول جج ڈاکٹر سہیل نے فراڈ کیس میں فواد چوہدری کی درخواست ضمانت پر محفوظ فیصلہ سنا دیا ، عدالت نے فواد چوہدری کو ایک لاکھ روپے کے ضمانتی مچلکے جمع کروانے کی ہدایت کی ہے۔
فواد چوہدری کو اشتہاری قرار دینے کا حکم کالعدم قرار دیدیا گیا
عدالت نے فراڈ کیس میں سابق وفاقی وزیر کی درخواست ضمانت پر فیصلہ محفوظ کیا تھا۔ یاد رہے کہ فواد چوہدری پر شہری سے 50 لاکھ روپے لے کر نوکری نہ دینے کا الزام ہے۔ وہ اس وقت اڈیالہ جیل میں قید ہیں۔
