پیپلز پارٹی کے شریک چیئرمین آصف علی زرداری، فریال تالپور اور بلاول بھٹو زرداری نگران وزیر اعلیٰ پنجاب محسن نقوی کی رہائش گاہ پہنچ گئے ہیں۔
مسلم لیگ ن کے مرکزی صدر شہباز شریف بھی محسن نقوی کے رہائش گاہ پہنچے،دونوں جماعتوں کے رہنماؤں نے نگران وزیر اعلیٰ پنجاب محسن نقوی کی رہائش گاہ پر اہم ملاقات کی ۔
پارٹی زرائع کا کہنا ہے کہ دونوں رہنماؤں کے درمیان آئندہ حکومت سازی کے امور پر تبادلہ خیال کیا گیا ، شہباز شریف نے پارٹی قائد نواز شریف کا پیغام آصف علی زرداری کو پہنچایا۔
ملاقات میں اتفاق کیا گیا کہ پاکستان میں سیاسی اور معاشی استحکام لانے کی لیے دونوں جماعتوں کو مل کر کام کرنا ہو گا۔ملاقات کے بعد شہبازشریف نگران وزیراعلیٰ پنجاب محسن نقوی کی رہائش گاہ سے روانہ ہوگئے۔
