توشہ خانہ کیس میں سزا پانے والی بانی پی ٹی آئی عمران خان کی اہلیہ بشریٰ بی بی نے بنی گالہ اڈیالہ جیل منتقلی کیلئے اسلام آباد ہائیکورٹ سے رجوع کر لیا۔
بشریٰ بی بی نے اپنی درخواست میں بنی گالہ کو سب جیل قرار دینے کا 31 جنوری کا نوٹیفکیشن کالعدم قرار دینے کی استدعا کرتے ہوئے کہا ہے کہ کسی بھی عام قیدی کی طرح سزا اڈیالہ جیل میں کاٹنا چاہتی ہوں، تمام شہری قانون کی نظر میں برابر ہیں۔
سابق چیئرمین پی ٹی آئی اور بشریٰ بی بی کیخلاف دوران عدت نکاح کیس کا تفصیلی فیصلہ جاری
بانی پی ٹی آئی کی اہلیہ نے درخواست میں کہا کہ دوسرے سیاسی ورکرز جیلوں میں عام قیدیوں کے ساتھ ہیں، بنی گالہ سب جیل میں منتقلی مساوی حقوق کے منافی ہے۔
بشری بی بی نے کہا کہ 31 جنوری کو صبح 10 سے رات 9 بجےتک اڈیالہ جیل میں انتظار کرانے کے بعد سب جیل منتقل کیا گیا، پوچھنے پر مجھے بتایا گیا کہ بنی گالہ رہائش کو سب جیل قرار دے دیا گیا۔
