چیئرمین پی ٹی آئی بیرسٹر گوہر علی خان نے کہا ہے کہ میرے گھر جب کچھ لوگ آئے تھے تب سے 2 موبائل فون غائب ہیں۔
الیکشن کمیشن کے باہر میڈیا سے گفتگو کرتے ہوئے انہوں نے کہا کہ مجھے بتایا گیا ہے کہ موبائل اس وقت کسی کی تحویل میں نہیں، میں نے لوکیشن چیک کروائی، ایک موبائل کی لوکیشن ای 11 کی ہے۔
850ٹکٹوں کے بارے میں زبانی کلامی کیسے فیصلہ کرسکتا ہوں، بیرسٹر گوہر
بیرسٹر گوہر نے کہا کہ کوشش تھی کہ ہمارا مشترک انتخابی نشان ہو تاکہ ووٹر کنفیوژ نہ ہو، میں ایک درخواست کے پراسس کے لیے الیکشن کمیشن آیا تھا ،امیدوار آزاد ہیں، ہارس ٹریڈنگ کے خدشات موجود ہیں، لیکن ہمارے ساتھ مخلص پارٹی امیدوار میدان میں ہیں۔
انہوں نے مزید کہا کہ بانیٔ پی ٹی آئی کے کاغذاتِ نامزدگی مسترد ہونے کے باوجود ہمیں عدلیہ پر اعتماد ہے۔ بانیٔ پی ٹی آئی کے کاغذاتِ نامزدگی مسترد کرنا غیر آئینی و غیر قانونی ہے، پارلیمنٹ جا کر امیدوار پارٹی کا حصہ رہیں گے کیونکہ کاغذات پر پارٹی کا نام لکھا ہے۔
ہمارے امیدوار آزاد حیثیت میں انتخاب لڑیں گے، بیرسٹر گوہر
بیرسٹر گوہر کا کہنا تھا کہ پارٹی امیدواروں کی لسٹ اپ ڈیٹ کر دی ہے، کل تک ان کے انتخابی نشان بھی اپ ڈیٹ کر دیں گے۔ ان امیدواروں کے لیے انتخابی مہم بھی چلائیں گے، ہم یہ عوام پر چھوڑیں گے کہ وہ جس کو چاہیں ووٹ دیں۔
انہوں نے کہا کہ نظرِ ثانی کی اپیل دائر کریں گے کیونکہ یہ ہمارا آئینی و قانونی حق ہے، میرے گھر سے کاغذات اٹھائے گئے۔
