کراچی: پاکستان کے سابق ٹیسٹ کپتان اظہر علی فرسٹ کلاس کرکٹ میں اپنی 50 سنچریاں مکمل کر کے لیجنڈز کی صف میں شامل ہو گئے۔
پاکستان کرکٹ بورڈ (پی سی بی) کے تحت جاری پریزیڈنٹ کپ کرکٹ ٹورنامنٹ میں 38 سالہ اظہر علی نے خان ریسرچ لیبارٹریز (کے آر ایل) کے خلاف سوئی ناردرن کی طرف سے کھیلتے ہوئے اپنی 50 ویں فرسٹ کلاس سنچری اسکور کی۔
Celebrating a remarkable feat 🙌@AzharAli_ completes 50 first-class centuries 🎂 pic.twitter.com/Oy2xRYZjEY
— Pakistan Cricket (@TheRealPCB) January 4, 2024
اظہر علی فرسٹ کلاس کرکٹ میں 50 سنچریوں کا سنگ میل حاصل کرنے والے پاکستان کے 9 ویں بلے باز بن گئے ہیں۔
واضح رہے کہ فرسٹ کلاس کرکٹ میں سب سے زیادہ 108 سنچریاں بنا کر ظہیر عباس پہلے، جاوید میانداد 80 سنچریوں کے ساتھ دوسرے اور ماجد خان 73 سنچریوں کے ساتھ تیسرے نمبر پر ہیں جبکہ مشتاق محمد 72، یونس خان 56، حنیف محمد 55، شفیق احمد 53 اور صادق محمد نے 50 فرسٹ کلاس سنچریاں بنا رکھی ہیں۔
