متحدہ عرب امارات میں فضائی کرایوں میں بھاری کمی کاامکان ہے ۔
عرب میڈیا رپورٹس کے مطابق یہ متوقع کمی جنوری 2024 کے وسط کے بعد 50-60% تک ہو سکتی ہے۔
کرایوں میں کمی کے امکانات زیادہ کرایوں والے فضائی راستوں پر ہیں ، جو کہ برطانیہ، یورپی ممالک ، جنوبی ایشیاکے کچھ ممالک ، فلپائن اور امریکہ بھی اس فہرست میں شامل ہے ۔
ایم پی کیو ٹریول اینڈ ٹورازم کے سی ای او ’مالو پراڈو ‘کا کہناہے کہ موسم سرما میں میں کرایوں میں زیادہ کمی متحدہ عرب امارات سے طویل فاصلے کی فلائٹس پر ہو سکتی ہے۔
یو اے ای پاکستان میں 20 سے 25 ارب ڈالرز کی سرمایہ کاری کرے گا ، معاہدوں پر دستخط
بڑے ٹور گروپس کی دبئی میں زیادہ فلائٹس کی مانگ کے باعث کرایوں میں ہوشربا اضافہ ہواہے جس کے باعث متحد ہ عرب امارات کے مقامی مسافروں کو عین موقع پر فلائٹس میں سیٹ لینے میں کافی دشواری کا سامنا کرنا پڑتا ہے اور امکان ہے کہ یہ روایت اب بدلنے جارہی ہے ۔
اس رجحان میں تبدیلی کی توقع ہے، پوری دنیا میں کرایوں میں خاطر خواہ کمی متوقع ہے۔
مثال کے طور پر لندن کے ہیتھرو ایئر پورٹ سے دبئی تک اکانومی کلاس کرا یہ 5 ہزار 135 درہم سے کم ہو کر 2 ہزار 410 درہم تک کم ہو سکتا ہے ،اسی طرح نیو یارک سے دبئی کیلئے یہ کرایہ ساڑھے چھ ہزار درہم سے کم ہو کر ساڑھے تین ہزار درہم تک ہو سکتا ہے ۔
