عام انتخابات کیلئے کاغذات نامزدگی کی مد میں قومی خزانے کو ملنے والے ریونیو کی تفصیلات جاری کر دی گئیں۔
ذرائع کا کہنا ہے کہ ملک بھر سے کاغذات نامزدگی کی مد میں 65 کروڑ 57 لاکھ 20 ہزار روپے قومی خزانے میں جمع ہوئے، الیکشن کمیشن کو صوبائی اسمبلیوں کے لئے کاغذات کی مد میں 40 کروڑ 60 لاکھ 80 ہزار اورقومی اسمبلی کے کاغذات کی مد میں 24 کروڑ 96 لاکھ 60 ہزارروپے موصول ہوئے۔
اسلام آباد، 3 نشستوں پر 160امیدواروں نے کاغذات نامزدگی جمع کرادیئے
قومی اسمبلی کے لئے 30 ہزار جبکہ صوبائی اسمبلی کے کاغذات نامزدگی کیلئے 20 ہزار فیس مقرر ہے، امیدواروں کی کاغذات نامزدگی کی مد میں ادا کی گئی فیس ناقابل واپسی ہے۔
ذرائع کے مطابق الیکشن کمیشن کو کاغذات نامزدگی سے حاصل ہونے والی رقم قومی خزانے میں جمع کی جاتی ہے۔
