حماد اظہر کا کہنا ہے کہ پی ٹی آئی چھوڑ جانے والے رہنماؤں کی بڑی تعداد پارٹی میں واپسی کی خواہش مند ہے۔
سماجی رابطے کی ویب سائٹ ایکس پر تحریک انصاف پنجاب کے صدر حماد اظہر نے کہا کہ جن افراد نے پریس کانفرنس میں پارٹی چھوڑنے کا اعلان کیا ان کی بڑی تعداد واپسی کی خواہش مند ہے، ایسے افراد کو پارٹی میں واپسی کا اعلان کرنا ہو گا جس کے بعد کیس ٹو کیس بنیاد پر فیصلہ صرف عمران خان کریں گے۔
حماد اظہر نے سماجی رابطے کی ویب سائٹ پر ضروری اعلان برائے پارٹی ٹکٹ کیا، ان کا کہنا تھا کہ تحریک انصاف کے ٹکٹ کے امیدوار صرف اپنے ہی نہیں بلکہ اپنے کورنگ امیدوار کے بھی کاغذات نامزدگی مقررہ وقت کے اندر جمع کرائیں۔
ان کا کہنا تھا کہ پارٹی ٹکٹس کے حوالے سے جانچ پڑتال جاری ہے لیکن حتمی فہرست دو ہفتے بعد شائع ہو گی۔
ضرورع اعلان برائے پارٹی ٹکٹ؛
تحریک انصاف کے ٹکٹ کے امیدوار صرف اپنے ہی نہیں بلکہ اپنے کورینگ امیدوار کے بھی کاغذات نامزدگی متعلقہ وقت کے اندر جمع کرائیں۔
پارٹی ٹکٹس کے حوالے سے جانچ پرتال جاری ہے لیکن حتمی فہرست دو ہفتے بعد شائع ہو گی۔
جن افراد سے جبراً پریس کانفرنس کرائی گئی…
— Hammad Azhar (@Hammad_Azhar) December 17, 2023
