مہنگائی کے ستائے عوام کیلئے ایک اور بری خبر، چینی کے بعد گڑ کی قیمت میں بھی ہوشربا اضافہ ہو گیا۔
تفصیلات کے مطابق ہول سیل مارکیٹ میں فی کلو گڑ کی قیمت میں 45 روپے کا اضافہ ہوا جبکہ بوری کی قیمت میں 2 ہزار روپے کا اضافہ ہوا ہے۔
ڈالر کی قدر میں اضافہ، 283 روپے 90 پیسوں کی سطح پر بند
پشاوری گڑ کی قیمت 125 سے بڑھ کر 170 روپے تک پہنچ گئی اور پچاس کلو کی بوری کی قیمت 6 ہزار 2 پچاس سے بڑھ کر 8 ہزار2 سو پچاس روپے کی ہو گئی ہے۔
اس حوالے سے ڈیلرز حضرات کا کہنا ہےکہ گڑ کی قیمتوں میں اضافے کی وجہ موجودہ مہنگائی اور بڑھتی ڈیمانڈ ہے۔
یوٹیلیٹی اسٹورز پر چینی کی قیمتوں میں 10سے15روپے کلو کمی کا امکان
دوسری جانب بلوچستان کے صوبائی دارالحکومت کوئٹہ میں چینی کے بحران سے نئی قیمت 200 روپے تک جاپہنچی۔
جبکہ 50 کلو چینی کی بوری ایک ہزار روپے مہنگی ہوکر 9 ہزار روپے کی ہوگئی۔ اور پرچون میں چینی کی قیمت 180 سے بڑھ کر 200 روپے تک جاپہنچی ہے۔
