پاکستانی کرنسی کے مقابلے میں ڈالر کی قدر میں کمی کے بعد پیٹرولیم مصنوعات، گاڑیاں اور الیکٹرانک سامان کے بعد تعمیراتی سریا کی قیمت میں ریکارڈ کمی ہوئی ہے۔
آج لوکل سریے کی کم از کم قیمت 2 لاکھ 42 ہزار اور زیادہ سے زیادہ قیمت 2 لاکھ پچاس ہزار روپے فی ٹن ہے، آج کراچی میں سریے کی فی ٹن قیمت 2 لاکھ 50 ہزار، لاہور میں فی ٹن قیمت 2 لاکھ 46 ہزار، ملتان میں فی ٹن قیمت 2 لاکھ 42 ہزار روپے ریکارڈ کی گئی۔
اسلام آباد میں سریے کی فی ٹن قیمت 2 لاکھ 48 ہزار روپے، فیصل آباد میں 2 لاکھ 43 ہزار روپے جبکہ پشاور میں سب سے کم 2 لاکھ 42 ہزار روپے ریکارڈ کی گئی ہے۔
برانڈڈ سریے کی قیمت میں اضافہ ہوا ہے اور مارکیٹ میں کم از کم قیمت 2 لاکھ 66 ہزار فی ٹن اور زیادہ سے زیادہ قیمت 2 لاکھ 68 ہزار فی ٹن ریکارڈ کی گئی ہے۔
سیمنٹ کی قیمتوں میں مزید اضافہ ہو گیا
واضح رہے کہ اس سے قبل تاجروں کے مطابق فی ٹن سریے کی قیمت 3 لاکھ 5 ہزار سے کم ہوکر 2 لاکھ 45 ہزار روپے آ گئی تھی جبکہ برانڈڈ سریے کی فی ٹن قیمت 2 لاکھ 63 ہزار سے 2 لاکھ 65 ہزار تک ریکارڈ کی گئی۔
رواں سال ملک بھر میں تعمیراتی سامان کی لاگت میں بے تحاشہ اضافہ ہوگیا جس کے بعد تعمیراتی صنعت تباہی کے دہانے پر پہنچ گئی، تعمیرات میں استعمال ہونے والے بجری اور سیمنٹ وغیرہ کی قیمتیں بھی آسمان پر جا پہنچی ہیں۔
تعمیراتی شعبہ سے وابستہ لوگوں نے بتایاکہ اشیا کی قیمتوں میں آئے روز اضافے سے گھر بنانے کا بجٹ بنانا بھی دشوار ہو گیا ہے اور بجری، سیمنٹ، سریا، اینٹیں مہنگی ہونے سے تعمیر کا ٹھیکہ بھی غیر معمولی بڑھتا جا رہا ہے جبکہ بڑے اور چھوٹے شہروں میں تعمیرات کا کام بھی پہلے کی طرح دکھائی نہیں دیتا۔
