پاکستانی سوشل میڈیا پر پاکستان سپر لیگ (پی ایس ایل) کے نویں ایڈیشن کا ڈرافٹ قریب آ تے ہی آسٹریلوی بلے باز گلین میکسویل کی ٹورنامنٹ میں شرکت کی افواہیں گردش کرنے لگیں۔
پاکستان کرکٹ بورڈ (پی سی بی) کے مطابق پی ایس ایل 9 کا ڈرافٹ 13 دسمبر کو لاہور کی نیشنل کرکٹ اکیڈمی میں شیڈول کیا گیا ہے۔ پی ایس ایل 9 کا باقاعدہ آغاز 8 فروری سے ہوگا جو 24 مارچ تک جاری رہے گا۔
If Glenn Maxwell is available for PSL 9 then would you like to see him as a replacement for Imad Wasim in Karachi Kings?#GlennMaxwell #KarachiKings #PSL2024 #PSL9 #PSL9Drafts #ZalmiTV pic.twitter.com/4TtoVNAWFC
— Zalmi TV (@zalmitvlive) December 2, 2023
اس حوالے سے سوشل میڈیا ملکی اور غیر ملکی کرکٹرز کی مختلف فرنچائزز میں ٹریڈ کے حوالے سے خبروں کا مرکز بنا ہوا ہے۔ انہی ناموں میں سے ایک دنیا کے بہترین جارحانہ بلے باز میکسویل کا نام بھی ہے۔
انٹرنیشنل کرکٹ کونسل (آئی سی سی) ون ڈے ورلڈکپ 2023 میں افغانستان کے خلاف ناقابلِ یقین اننگز کھیل کر میکسویل نے دنیائے کرکٹ کو حیران کردیا۔ یہی وجہ ہے کہ تمام بڑی لیگز کی فرنچائزز کی نظریں میکسویل پر ہیں۔
کولن منرو اور ایلکس ہیلز بھی پی ایس ایل 9 کو چار چاند لگانے کیلئے تیار
اگرچہ میکسویل کا پی ایس ایل 9 کے ڈرافٹ کے لیے سائن اپ کرنا یقیناً لیگ کو چار چاند لگا دے گا لیکن ابھی تک یہ افواہیں ہی ہیں۔ فی الحال اس حوالے سے پی سی بی یا کسی فرنچائز کی طرف سے تصدیق یا تردید نہیں کی گئی۔
