بجلی فی یونٹ 3 روپے 53 پیسے تک مزید مہنگی ہونے کا امکان ہے۔
فیول پرائس اور بقایاجات کی مد میں سی پی پی اے کی درخواست پر سماعت آج ہوگی،قیمتوں میں اضافہ اکتوبر کے فیول پرائس ایڈجسٹمنٹ کی مد میں مانگا گیا ہے۔
بجلی کے لائن لاسز کو کم کیا جائے، نائب صدر عالمی بینک
ذرائع کے مطابق اکتوبر کیلئے پیداواری لاگت کے مطابق ایف سی اے کا اضافہ 36 پیسے ہے،درخواست میں 3 روپے 16 پیسے بقایاجات کی مد میں شامل کیے گئے ہیں۔
فیول پرائس کی مد میں بقایاجات مجموعی طور 28 ارب سے زائد ہیں،ایف سی اے اور بقایاجات کا مجموعی طور پر 40 ارب روپے کا اضافی بوجھ عوام پر پڑے گا۔
نیپرا سی پی پی اے کی درخواست پر سماعت کے بعد آج حتمی فیصلہ کرے گا۔
