غزہ: اسرائیل نے غزہ میں اسکول پر بمباری کر دی جس کے نتیجے میں 27 افراد شہید ہو گئے۔
غیر ملکی خبر رساں ایجنسی کے مطابق اسرائیل کی غزہ پر جارحیت کا سلسلہ جاری ہے اور اسرائیل نے غزہ میں اقوام متحدہ کے زیر انتظام چلنے والے اسکول پر بھی بمباری کر دی۔
اسرائیل کی جانب سے بے گھر فلسطینیوں کو فاسفورس بم سے نشانہ بنایا گیا۔ جس کے نتیجے میں متعدد افراد زخمی بھی ہوئے۔
یہ بھی پڑھیں: حماس کے اسرائیل پر راکٹ حملے، متعدد افراد زخمی
دوسری جانب غزہ پر اسرائیلی حملوں میں بھارتی نژاد فوجی بھی ملوث نکلے۔ حماس کی جوابی کارروائی میں مارے جانے والے اسرائیلی فوجیوں کی شناخت کے دوران بھارتی نژاد کی لاش بھی سامنے آئی۔ جس کی تصدیق بھارتی میڈیا کی جانب سے بھی کی گئی۔
