پاکستان تجارت اور سرمایہ کاری میں چینی کرنسی (آر ایم بی) کے استعمال کو بڑھانے کا خواہاں ہے۔
ان خیالات کا اظہار نگران وزیر خزانہ ڈاکٹر شمشاد اختر نے اسلام آباد میں پاکستان میں چینی کرنسی (آر ایم بی) کی کلیئرنگ کے لیے قائم کیے گئے بینک کی افتتاحی تقریب سے خطاب کرتے ہوئے کیا۔
نگران وفاقی وزیر خزانہ کا کہنا تھا کہ چین کئی سالوں سے پاکستان کا سب سے بڑا تجارتی شراکت دار اور سرمایہ کاری کا سب سے بڑا ذریعہ رہا ہے۔ جناح کنونشن میں اس تقریب میں پاکستان میں چین کے سفیر جیانگ زائی ڈونگ اور دیگر بھی شریک ہوئے۔
پیٹرولیم مصنوعات کی قیمتوں میں کمی، نگران وزیراعظم حتمی فیصلہ کریں گے
آر ایم بی کلیئرنگ بزنس کے قیام سے پاکستان اور چین میں آف شور آر ایم بی مارکیٹوں کو جوڑنے میں مدد ملے گی، جس سے متعدد شعبوں اور سرگرمیوں میں سرحد پار لین دین میں سہولت میسر آئے گی۔
پاکستان کے چین میں سفیرنے تقریب سے خطاب کرتے ہوئے کہا کہ چین اور پاکستان کے درمیان 4 موسموں کے اسٹریٹجک تعاون کے لیے دونوں اطراف کے مالیاتی محکموں کی مضبوط حمایت کی ضرورت ہے۔
جیانگ زائی ڈونگ کا مزید کہنا تھا کہ آر ایم بی کلیئرنگ بینک کا قیام بیلٹ اینڈ روڈ تعاون کو فروغ دینے کے لیے ایک اہم مالی حمایت بھی ہے۔
