خیبرپختونخوا کے ضلع خیبر کی انتظامیہ نے بگیاری فاریسٹ چیک پوسٹ پر کارروائی کرتے ہوئے بڑے پیمانے پر ٹمبر ضبط کر لی اور ملوث اہکاروں کو معطل کر دیا۔
اسسٹنٹ کمشنر نے ٹمبر کی سمگلنگ روکنے میں خیبر فاریسٹ ڈویژن کے عملے کی غفلت اور ناکامی کا نوٹس لیا اور وادی تیراہ سے غیر قانونی لکڑی سے بھرے دو گوداموں کو سیل کر دیا ہے۔
اس ضمن میں ڈپٹی کمشنر خیبر نے غفلت برتنے پر خیبر پختونخواہ کے سرکاری ملازمین کے رولز 6 کے تحت اپنے اختیارات کا استعمال کرتے ہوئے سات اہلکاروں کو 120 روز کے معطل کر دیا ہے۔
اس کے علاوہ معاملے کی مزید تفتیش کے لیے دو افسران پر مشتمل فیکٹ فائنڈنگ کمیٹی بھی تشکیل دے دی گئی ہے جو دو ہفتوں میں اپنی رپورٹ پیش کرے گی۔
