پیٹرولیم مصنوعات کی قیمتوں میں اضافہ، گوجرانوالہ کی عدالت نے وزیراعظم انوار الحق کاکڑ، سیکرٹری پیٹرولیم اور کمشنر گوجرانوالہ کو طلب کر لیا۔
تفصیلات کے مطابق گوجرانوالا میں پیٹرولیم مصنوعات کی قیمتوں میں اضافہ کے خلاف دائر رٹ پٹیشن کی سماعت میں سول جج نے نگران وزیر اعظم انوار الحق کاکڑ، سیکرٹری پیٹرولیم اور کمشنر گوجرانوالا کو طلب کر لیا۔
ملک بھر میں پیٹرول بحران کا خدشہ پیدا ہو گیا
ایڈوکیٹ منظور قادر بھنڈر کی جانب سے دائر کی گئی رٹ پٹیشن پر سماعت سول جج محمد اویس کی عدالت میں ہوئی۔
درخواست 16 ستمبر کو عدالت میں دائر کی گئی تھی جس میں نگران وزیر اعظم انوار الحق کاکڑ ، سیکرٹری پیٹرولیم اور کمشنر گوجرانوالہ کو فریق بناتے ہوئے کہا گیا ہے کہ قیمتوں میں حالیہ اضافہ ظلم اور زیادتی ہے۔
143 ملین لیٹر ماہانہ پیٹرولیم اسمگلنگ، آئی ایم ایف نے وزارت خزانہ سے رپورٹ طلب کرلی
درخواست گزار نے عدالت سے استدعا کی ہر کہ پیٹرولیم مصنوعات کی قیمتوں میں حالیہ اضافہ روکنے کیلئے حکم امتناع جاری کیا جائے ۔
سماعت کے بعد عدالت نے نگران وزیر اعظم، سیکرٹری پیٹرولیم اور کمشنر گوجرانوالہ کو طلب کر لیا۔ عدالت نے تینوں کو 20 ستمبر کیلئے طلبی کا نوٹس جاری کرنے کا تحریری حکم نامہ بھی جاری کر دیا۔
پیٹرول اور ڈیزل پر عائد ٹیکسز اور مارجن کی تفصیلات سامنے آ گئیں
خیال رہے کہ حکومت نے 16 ستمبر کو پیٹرول کی قیمت میں 26 روپے 2پیسے فی لیٹر جبکہ ہائی اسپیڈ ڈیزل کی قیمت میں 17 روپر 34 پیسر فی لیٹر اضافہ کیا تھا۔
