کچے میں انٹرنیٹ کی سہولت ختم کرنیکا حکم ، فوج اور رینجرز کیساتھ ملکر آپریشن کا فیصلہ


نگران سندھ کابینہ نے کچے میں پولیس، رینجرز اور فوج کے ساتھ آپریشن کا فیصلہ کیا ہے۔

نگران وزیر اعلیٰ جسٹس (ر) مقبول باقر کی زیر صدارت کابینہ کا اجلاس ہوا جس میں آئی جی سندھ نے  صوبے میں امن و امان کی صورتحال پر بریفنگ دی۔

آئی جی نے بتایا کہ 2023 میں 218 لوگ اغوا ہوئے جن میں سے 207 بازیاب ہوئے اور 11 لوگ ابھی تک یرغمال ہیں۔ نگران وزیراعلیٰ نے آئی جی کو مغویوں کو فوری بازیاب کرانے کی ہدایت کی۔

راجن پور: ڈاکوؤں نے 3 پولیس اہلکاروں کو اغوا کرلیا

آئی جی سندھ نے کچے میں ڈاکوؤں کیخلاف آپریشن پر بھی بریفنگ دی جس پر نگران وزیراعلیٰ نے کہا کہ  کچے میں اچھی شہرت کے حامل پولیس افسران اور اہلکار تعینات کیے جائیں اور جو اچھی کارکردگی نہ کریں ان کو تبدیل کریں۔

نگران وزیراعلیٰ  نے حکم دیا کہ کچے کے علاقے میں انٹرنیٹ کی سہولت فوری ختم کی جائے۔


متعلقہ خبریں