پی ٹی آئی نے پی ڈی ایم کے ڈیڑھ سالہ دور کا مختصر جائزہ پیش کر دیا، ترجمان پی ٹی آئی نے کہا کہ قوم مجرموں سے نجات پر اللہ کا شکر ادا کرتی ہے۔
ترجمان پی ٹی آئی کے مطابق ڈیڑھ سالہ دور میں بدترین حکومت کی گئی، ڈیڑھ سالہ دور میں سیاسی انتقام کی سیاہ ترین مثالیں قائم کی گئیں۔
الیکشن کمیشن اور بیوروکریسی سمیت اداروں کو سیاسی کر دیا گیا،پی ڈی ایم دور میں سیاسی کارکنوں کو گرفتار اور تشدد کا نشانہ بنایا گیا جس کی مثال نہیں ملتی۔
16 ماہ میں پیٹرول کی قیمت میں 45 فیصد اضافہ
پی ٹی آئی ترجمان کے مطابق ڈیڑھ سال میں 6 فیصد کی سالانہ شرح سے ترقی کرتی معیشت کا بیڑہ غرق کر دیا گیا،پیٹرول، بجلی سمیت اشیائے خور و نوش کی قیمتوں میں تاریخی اضافہ کیاگیا۔
ترجمان پی ٹی آئی کا کہنا تھا کہ وقت آ گیا ہے کہ شفاف الیکشن سے نمائندے منتخب کرنے کا آئینی اختیار دیا جائے۔
