کولمبو: سری لنکا میں جاری لنکا پریمیئر لیگ (ایل پی ایل) کے میچ کے دوران سانپ میدان میں آ گیا۔
سری لنکا میں جاری ایل پی ایل میں گال ٹائٹنز اور دمبولا اورا کے درمیان میچ جاری تھا کہ اس دوران سانپ میدان میں گھس آیا۔
بلیک ممبا نامی سانپ کی وجہ سے میچ کو کچھ دیر کے لیے روکا گیا تاہم امپائر نے سانپ کو میدان سے باہر نکالا۔ سانپ کی میدان میں گھس آنے کی ویڈیو سوشل میڈیا پر وائرل ہو گئی۔
یہ بھی پڑھیں: کرکٹ ورلڈ کپ پاک بھارت ٹاکرا 15 اکتوبر کی بجائے 14 اکتوبر کو ہو گا، ذرائع کا دعوی
سانپ میدان سے باہر نکلتے وقت گال ٹائٹنز کے ڈگ آؤٹ میں چلا گیا، لنکا پریمیئر لیگ مینجمنٹ نے وائلڈ لائف اور ریسکیو ٹیموں کو طلب کیا جو سانپ کو اسٹیڈیم سے پکڑ کر لے گئیں۔
