سابق وزیراعلیٰ خیبرپختونخوا پرویز خٹک نے اپنی نئی پارٹی کے نام اور جھنڈے کا انتخاب کرلیا۔
ذرائع کا کہنا ہے کہ سابق وزیراعلیٰ نے اپنی الگ جماعت بنانے کے سلسلے میں اسلام آباد اور پشاور میں اہم سیاسی شخصیات کے ساتھ ملاقاتیں کی ہیں ، پرویز خٹک کی مختلف رہنمائوں کیساتھ مشاورت بدستور جاری ہے ، وہ ایک طرف مسلم لیگ (ن) کے ساتھ رابطے جاری رکھے ہوئے ہیں اور دوسری طرف اپنی الگ جماعت کو میدان میں لانے کے لیے سرگرم ہیں ۔
پرویز خٹک کے مسلم لیگ ن کی اعلیٰ قیادت سے بیک ڈور رابطے
ذرائع کے مطابق پرویز خٹک کسی دوسری جماعت میں شامل نہ ہونے کی صورت میں اپنی الگ پارٹی کے قیام کا اعلان کردیں گے جس کے لیے انہوں نے پاکستان تحریک انصاف پارلیمنٹرینز کے نام کا انتخاب کیا ہے جبکہ ان کی پارٹی کا جھنڈا سبز اور سفید رنگ پر مشتمل ہو گا۔
