امریکی دارالخلافہ واشنگٹن کے اہم مرکزی علاقے میں واقع پاکستانی سفارتخانہ کی ایک پرانی بلڈنگ کئی سال تک خالی اور بند رہنے کے بعد بآلاخر سب سے زیادہ بولی دینے والے پاکستانی ، امریکن بزنس مین حفیظ خان کے حوالے کردی گئی ہے ۔
امریکہ، پی آئی اے کے روز ویلٹ ہوٹل کا معاہدہ ہو گیا
جنگ اخبار کے مطابق پاکستانی سفارتخانہ واشنگٹن کے تر جمان سر فراز حسین نے تصدیق کرتے ہوئے بتایا ہے کہ اس سلسلے میں پاکستانی سفارتخانہ میں ایک تقریب منعقد ہوئی جس میں تین امریکی اراکین کانگریس اور پاکستان کے سفیر سعود خان نے شرکت کی۔
علامتی طور پر پاکستانی سفارتخانہ کی اس بلڈنگ کی چابی نئے مالک حفیظ خان کے حوالے کی گئی ہے ۔
پی آئی اے کا قرض اور خسارہ اثاثوں سے 300 گنا زائد ہوگیا
یہ بلڈنگ 71لاکھ ڈالرز میں فروخت کی گئی ہے ۔ پاکستانی امریکن حفیظ خان انرجی کے شعبے میں کاروبار کرتے ہیں ۔
پاکستانی سفارتخانہ واشنگٹن کے تر جمان سر فراز حسین نے بلڈنگ کی فروخت قیمت 71لاکھ ڈالرز اور ملکیت کی منتقلی کی تصدیق کرتے ہوئے مزید تفصیلات فراہم نہیں کیں ۔