پنجاب بلدیاتی انتخابات ، الیکشن کمیشن نے انتظامات مکمل کر لئے

ووٹ

الیکشن کمیشن  نے پنجاب میں بلدیاتی انتخابات کے لیے انتظامات مکمل کر لیے ۔

چیف الیکشن کممشنر سکندر سلطان راجہ کی زیر صدارت اجلاس ہوا جس میں  پنجاب اور اسلام آباد میں بلدیاتی انتخابات کا معاملہ زیرِ غور آیا۔

الیکشن کمیشن کے حکام نے اجلاس کو بریفنگ دیتے ہوئے کہا کہ اسلام آباد کے بلدیاتی انتخابات کے انعقاد اور شیڈول دینے کے لیے تیار ہیں، وزارتِ داخلہ 12 جولائی تک مخصوص نشستوں کی تعداد کا نوٹیفکیشن دے۔

الیکشن کمیشن نے  وزارتِ داخلہ سے  امیدواروں کے لیے انتخابی اخراجات کی حد کے رولز مہیا کرنے کا بھی مطالبہ کیا۔

ووٹ کے اندراج و منتقلی کیلئے 13 جولائی آخری تاریخ ہے، الیکشن کمیشن

اجلاس میں پنجاب کے بلدیاتی انتخابات کے حوالے سے بتایا گیا کہ پنجاب میں انتخابی گروپوں کی رجسٹریشن کا عمل 17 جولائی تک مکمل ہو جائے گا۔

کمیشن کے  حکام نے مزید کہاکہ بلدیاتی انتخابات کے دورن ای وی ایم کا استعمال ممکن نہیں اسلئے پنجاب حکومت کو لکھا جائے کہ ای وی ایم اور آئی ووٹنگ سے متعلق ترامیم کو مدِ نظر رکھا جائے، فوری الیکشن کے لیے پنجاب حکومت لوکل گورنمنٹ ایکٹ اور رولز میں ضروری ترمیم کرے۔

۔


متعلقہ خبریں