موٹر سائیکل سواروں کو ہیلمٹ کا استعمال کرنے کا پیغام دینے کیلئے لاہور پولیس نے کرکٹ میچز کی ویڈیو شیئر کردی۔
سٹی ٹریفک پولیس کی جانب سے سماجی رابطے کی ویب سائٹ فیس بک پر موٹر سائیکل سواروں کو ہیلمٹ پہننے کے حوالے سے ہدایات جاری کی گئیں۔ لاہور پولیس نے ہدایات جاری کرتے ہوئے لکھا کہ ‘ہیلمٹ زندگی بچاتا ہے’۔
ہیلمٹ نہ پہننے والوں پر پیٹرول کے بعد اور بڑی پابندی
لاہور ٹریفک پولیس کی جاری کردہ ویڈیو میں مختلف کرکٹ میچز کی ویڈیو شیئر کی گئی۔ ویڈیو میں دیکھا جاسکتا ہے کہ باؤلر کی طرف ست گیند کرائے جانے پر بلے باز کے ہیلمٹ پر بال لگتی ہے جس سے اسکا سر محفوظ رہتا ہے۔
ویڈیو میں قومی کرکٹر محمد عرفان کی باؤلنگ کے کلپس بھی شیئر کیے گئے جس میں محمد عرفان کی گیند زمبابوے کے بلے باز کے ہیلمٹ پر جاکر لگتی ہے۔ گیند ہیلمٹ پر لگنے سے بلے باز گِرجاتا ہے اور ہیلمٹ دور جاکر گرتا ہے۔
بغیر ہیلمٹ موٹر سائیکل سواروں کو پیٹرول نہ دینے کے احکامات
لاہور پولیس کی اس ویڈیو پر صارفین کی طرف سے بھی دلچسپ رد عمل سامنے آیا۔ ایک صارف نے ویڈیو پر کمنٹ کرتے ہوئے لکھا کہ ‘یہ لاہور پولیس کا بہت زبردست آئیڈیا ہے’، ایک اور صارف نے لکھا کہ ‘آگاہی پھیلانے کیلئے یہ بہترین مارکیٹنگ کا طریقہ ہے’۔
ویڈیو پر کچھ صارفین نے مزاحیہ کمنٹس بھی کیے۔ ایک صارف نے راولپنڈی ایکسپریس کا ذکر کرتے ہوئے لکھا کہ ‘اگر شعیب اختر بال کرا رہے ہوں تو شاید ہیلمٹ کام نہ آئے’
