چارسدہ: امیر جماعت اسلامی پاکستان سراج الحق نے کہا ہے کہ حکمران بھیک مانگ کر شرمندگی بھی محسوس نہیں کرتے۔
امیر جماعت اسلامی پاکستان سراج الحق نے چارسدہ میں جلسے سے خطاب کرتے ہوئے کہا کہ وزیر اعظم بھیک مانگ کر قوم کو شرمندہ کروا رہے ہیں اور ہمارے حکمران بھیک مانگ کر شرمندگی بھی محسوس نہیں کرتے۔
انہوں نے کہا کہ عوام ذاتی سیاست کو مسترد کر چکے ہیں اور قوم پوچھ رہی ہے کہ ایک کروڑ نوکریاں کہاں ہیں ؟ ملک میں امن اور خوشحالی عالمی مالیاتی ادارے (آئی ایم ایف) کی غلامی سے ممکن نہیں ہے۔
یہ بھی پڑھیں: پی ٹی آئی کے ایک اور رہنما کا پارٹی چھوڑنے کا اعلان
سراج الحق نے کہا کہ اس وقت قوم کو معاشی بدحالی کا سامنا ہے اور یونان میں کرنے والے نوجوان قوم کے حکمرانوں سے سوال کر رہے ہیں جبکہ ملک میں انصاف کا دہرا معیار قائم ہے۔
انہوں نے کہا کہ ملک میں آج بھی پٹواری اور تھانے کا سیاسی کلچر عام ہے لیکن حکمرانوں کو عیاشیوں سے فرصت نہیں ہے۔ ملک میں جو بھی وزیر خزانہ آتا ہے وہ آئی ایم ایف کا غلام ہوتا ہے۔ وفاق کے پی کے کو اپنا حق دے۔
