وزیراعظم شہباز شریف کی جانب سے خیبرپختونخوا میں آٹے کے بحران سے متعلق نوٹس کے بعد مارکیٹ میں 20 کلو کے تھیلے میں 700 روپے کی نمایاں کمی ہوگئی۔
پشاورمیں 20 کلو آٹے کا تھیلہ 3 ہزار 300 روپے سے کم ہو کر 2 ہزار 600 روپے میں فروخت ہونے لگا مگر دوسری جانب نانبائیوں کی ہٹ دھرمی جاری ہے۔
نانبائیوں نے روٹی کی قیمت میں ازخوداضافہ کردیا۔ 20 روپے کی روٹی آٹے کے نرخوں میں کمی کے باوجود 30 روپے میں فروخت کر رہے ہیں۔
انتظامیہ نے احکامات کی خلاف ورزی پر نانبائیوں کے خلاف کریک ڈاون کا فیصلہ کرلیا۔
