ایک کے بعد ایک رہنما کے پارٹی چھوڑنے کے بعد چیئرمین پی ٹی آئی عمران خان کا ردعمل آ گیا۔
اپنی ٹوئٹ میں انہوں نے کہا کہ ہم نے پاکستان میں ”جبری شادیوں“ کے بارے میں تو سُن رکھا تھا مگر تحریک انصاف کیلئے ”جبری علیحدگیوں“ کا ایک نیا عجوبہ متعارف کروایا گیا ہے۔
ان کا کہنا تھا کہ میں تو اس پر بھی حیران ہوں کہ اس ملک سے انسانی حقوق کی تنظیمیں کہاں غائب ہو گئی ہیں!
خیال رہے کہ آج پاکستان تحریک انصاف کی مرکزی رہنما شیریں مزاری اور فیاض الحسن چوہان سمیت کئی رہنماوں نے جماعت چھوڑنے کا اعلان کیا ہے۔
9 مئی کے واقعات کے بعد سے اب تک پچاس سے زائد پی ٹی آئی رہنما جماعت کو خیر آباد کہ چکے ہیں۔
