مزید مشکل فیصلے نہیں کر سکتے، اسحاق ڈار

اسلام آباد: وفاقی وزیر خزانہ اسحاق ڈار نے کہا ہے کہ آئی ایم ایف کے مطالبے پر مزید مشکل فیصلے نہیں کر سکتے، وفاقی بجٹ 9 جون کو پیش کیا جائے گا۔

وفاقی وزیر خزانہ اسحاق ڈار نے کہا ہے کہ امید ہے چین پاکستان کا مزید 2.4 ارب ڈالر قرضہ رول اوور کر دے گا جبکہ مئی اور جون میں 3.7 ارب ڈالر ادائیگیوں کی کوئی پریشانی نہیں۔

انہوں نے کہا کہ عالمی مالیاتی ادارے (آئی ایم ایف) کے کہنے پر پیشگی اقدامات کیے گئے لیکن اب مزید نہیں کر سکتے۔

یہ بھی پڑھیں: ملکی زرمبادلہ کے ذخائر میں بڑی کمی

اسحاق ڈار نے کہا کہ آئی ایم ایف کے مطالبے پر مزید مشکل فیصلے نہیں کر سکتے لیکن آئی ایم ایف نے معاہدہ کرنا ہے تو کرے اور اگر نہیں چاہتا تو نہ کرے۔