پاکستان سمیت دنیا بھر میں آج یکم مئی مزدوروں کے عالمی دن کے طور پر منایا جارہا ہے لیکن اس کی تاریخ 30 سال پرانی ہے۔
دنیا کے کئی صنعتی ممالک یکم مئی کو مزدوروں کے عالمی دن کے طور پر مناتے ہیں لیکن یوم مئی منانے کا تعلق امریکہ کی ریاست شکاگو میں پیش آنے والے افسوس ناک واقعات سے ہے۔
حکومت نے مہنگائی کے مارے مزدور طبقے کو بڑا ریلیف دے دیا
مئی 1886 میں شکاگو میں مزدوروں کے حقوق کیلئے ہونے والے ایک مظاہرے کے دوران بم دھماکہ ہوا جس میں 7 پولیس اہلکاروں سمیت 11 افراد ہلاک ہوئے۔ شکاگو میں پیش آنے والے اس واقعے کے بعد امریکہ میں مزدور یونینز کے خلاف باقاعدہ ایک مہم کا آغاز کردیا گیا۔
مزدوروں کے خلاف شروع کی گئی اس مہم کے خلاف عالمی سطح پر بھی ردِعمل دیکھنے میں آیا۔ یہی وجہ ہے کہ دنیا بھر میں یکم مئی کے دن مزدوروں نے اِس دن کی یاد میں احتجاجی مظاہروں کا سلسلہ شروع کر دیا۔
مزدوروں کی کم از کم ماہانہ تنخواہ 35 ہزار روپے کی جائے، آصف زرداری
‘لیبر ڈے’ یا یومِ مزدور پر ملک بھر میں ملنے والی سرکاری چھٹی کا تعلق بھی 19 ویں صدی میں شروع ہونے والی ان مزدوروں کے حقوق کی تحریک سے ہے۔
خیال رہے کہ یکم مئی کو ملک بھر میں کاروباری مراکز اور تعلیمی ادارے بند ہوتے ہیں جبکہ وفاقی اداروں سمیت بہت سے نجی اداروں میں اس روز مکمل تعطیل ہوتی ہے۔
