ہائی بلڈ پریشرجسے ہائپرٹینشن کے نام سے بھی جانا جاتا ہے، دل کی بیماری کی بڑی وجوہات میں سے ایک ہے۔ ماہرین کہتے ہیں کہ کھانے کی کچھ ایسی اشیاءہیں جن کا استعمال ہمیں اس خطرناک عارضے سے محفوظ رکھ سکتا ہے۔
نوجوانوں میں ذیابیطس اور ہائی بلڈ پریشر کے امراض میں اضافے کا سبب کیا؟
این ڈی ٹی وی کے مطابق ماہرین نے بتایا ہے کہ دہی، فیٹی فش، چقندر، بیریز، ڈارک چاکلیٹ، سبزپتوں والی سبزیاں اور اناج اور دالیں وغیرہ ہائی بلڈ پریشر سے نجات کے لیے بہترین اشیاءہیں۔ ان تمام چیزوں میں ایسی خصوصیات پائی جاتی ہیں جو بلڈپریشر کو نارمل رکھنے کا کام کرتی ہیں۔
پاکستان میں 20 میں سے 9 افراد ہائی بلڈ پریشر کا شکار
ماہرین کے مطابق فیٹی فش میں اومیگا تھری فیٹی ایسڈز پائے جاتے ہیں۔ چقندر میں نائٹریٹس کی بہتات ہوتی ہے اور بیریز طاقتور اینٹی آکسیڈنٹس سے بھرپور ہوتے ہیں۔ یہ وہ غذائی اجزاءہیں جو خون کی نالیوں کو کشادہ کرتے، انہیں نرم رکھتے اور خون کے بہاﺅ کو بہتر بناتے ہیں اس لئے ہائی بلڈ پریشر کو کنٹرول کرنے کیلئے ان اشیا کااستعمال معمول بنا لیں ۔
