ضیاءمحی الدین کی آواز ہمارے ذہن میں گونجتی رہے گی، وزیراعظم

وزیراعظم شہباز شریف نے ممتاز اداکار ، صداکار  اور ٹی وی میزبان ضیا محی الدین کے انتقال پر تعزیت کا اظہار کرتے ہوئے کہا ہے کہ ان کی آواز  ہمارے ذہن میں گونجتی رہے گی۔

 وزیراعظم شہباز شریف کا کہنا تھا کہ ضیا محی الدین اپنی ذات میں ایک فن پارہ تھے، ان کے مخصوص انداز نے پاکستان سمیت دنیا بھر میں دھوم مچائی، افسوس ہے کہ کئی خوبصورت خوبیوں کا مالک شخص معاشرے سے کوچ کرگیا۔

ضیاء صاحب کی شخصیت کمال خصوصیات کی حامل تھی۔تھیٹر، براڈکاسٹنگ اور فنِ تقریر میں اپنی بےمثال مہارت اور آواز کے جادو سےانہوں نےنصف صدی سےزائد عرصہ تک لوگوں کو مسحور کئےرکھا۔ان کے زیر تربیت رہنے والے سینکڑوں طلباء ان کی میراث کو زندہ رکھیں گے۔ اللہ تعالی ان کے درجات بلند کریں۔ آمین pic.twitter.com/CSJCEu2789

— Shehbaz Sharif (@CMShehbaz) February 13, 2023

واضح رہے عظیم کمپئیر، صداکار، ہدایت کاراور اداکار ضیا محی الدین اکیانوے برس کی عمرمیں انتقال کرگئے ہیں۔

ضیا محی الدین بیس جون انیس سواکتیس کوفیصل آباد میں پیدا ہوئے تھے، ان کا ضیامحی الدین شوکئی برس تک پی ٹی وی پرچلا جس میں معین اختر سمیت کئی نوجوانوں کوموقع ملا، انہیں لازوال فنی خدمات پر حکومت پاکستان کی طرف سے ہلال امتیاز اورستارہ امتیازسےنوازا گیا تھا۔