پاک فضائیہ کا ایک اور امدادی طیارہ ترکیہ پہنچ گیا

پاک فضائیہ کا آئی ایل 78 طیارہ امدادی سامان لے کر ترکیہ کے شہر ادانہ پہنچ گیا ہے۔ طیارے کے ذریعے ساڑھے 16 ٹن امدادی سامان پہنچایا گیا۔

طیارہ پی اے ایف بیس لاہور سے خیمے اور دیگر اشیائے ضروریہ لے کر ترکیہ کے شہر ادانہ پہنچ گیا۔

ترجمان پاک فضائیہ کے مطابق پاک فضائیہ وزارت خارجہ اور ترکیہ میں پاکستانی سفارتخانے کے ساتھ مل کر پھنسے ہوئے پاکستانیوں کو وطن واپس لانے کی ہر ممکن کوشش کر رہی ہے۔8 پاکستانی مسافروں کو پاک فضائیہ کے اس طیارے پر وطن واپس پہنچایا جائے گا۔