پی ٹی آئی کا حکومت کی اے پی سی میں شرکت نہ کرنے کا فیصلہ

گرفتاریاں شروع ہوئیں تو میں گرفتاری دونگا، الیکشن نہ ہوئے تو ملک دیوالیہ ہو جائیگا، عمران خان

چیئرمین پی ٹی آئی عمران خان نے حکومت کی جانب سے بلائی گئی کل جماعتی کانفرنس میں شرکت نہ کرنے کا فیصلہ  کیا ہے۔

تحریک انصاف کے رہنما اسد عمر نے لاہور میں میڈیا سے گفتگو میں بتایا ہے کہ پی ٹی آئی  نے حکومت کی جانب سے بلائی گئی اے پی سی میں شرکت نہ کرنے کا فیصلہ کیا ہے۔

یہ بھی پڑھیں:وزیراعظم نے’کل جماعتی کانفرنس’ بلا لی، عمران خان کو بھی شرکت کی دعوت

انہوں نے کہا ہے کہ اے پی سی  میں مدعو کر کے حکومت اب ڈھونگ رچا رہی ہے۔حکومت یہ تاثر دینا چاہ رہی ہے کہ مل کر فیصلہ کرنا چاہیے۔

ان کا کہنا ہے کہ حکومتی وسائل کا رخ پکڑ دھکڑکی طرف ہے، غداری کے مقدمے درج کر کے آئین کی دھجیاں اڑائی جارہی ہیں، ہمارے خلاف مقدمے درج کیے جارہے ہیں تو ان کے ساتھ کیسے بیٹھ سکتے ہیں۔


متعلقہ خبریں