راولپنڈی: سابق وزیر داخلہ شیخ رشید احمد نے کہا ہے کہ جمعیت علمائے اسلام (جے یو آئی) ف کے سربراہ مولانا فضل الرحمان انتخابات میں سب سے بڑی رکاوٹ ہیں۔
سابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ مذاکرات سے انتخابات کا راستہ نہیں نکلتا تو صوبائی اسمبلیاں تحلیل کرنے کے علاوہ کوئی راستہ نہیں ہے۔
انہوں نے کہا کہ پاکستان ڈیمو کریٹ موومنٹ (پی ڈی ایم) عوام میں جانے کی پوزیشن میں نہیں ہے اور مولانا فضل الرحمان اس وقت انتخابات میں سب سے بڑی رکاوٹ ہیں جبکہ حکومت کی پالیسی ہے کہ نہ کھیلیں گے نہ کھیلنے دیں گے۔
شیخ رشید احمد نے کہا کہ ساری جماعتیں چیئرمین پی ٹی آئی عمران خان کا راستہ روکنے کے لیے اکھٹی ہیں لیکن معیشت ہی قومی سلامتی ہے۔
مذاکرات سےالیکشن کاراستہ نہیں نکلتاتوصوبائی اسمبلیاں تحلیل کرنےکےعلاوہ کوئی راستہ نہیںPDMعوام میں جانےکی پوزیشن میں نہیں فضل الرحمان الیکشن میں سب سےبڑی رکاوٹ ہےحکومت کی پالیسی ہےنہ کھیلیں گےنہ کھیلنےدیں گےساری پارٹیاں عمران خان کاراستہ روکنےکےلیےاکھٹی ہیں معیشت ہی قومی سلامتی ہے
— Sheikh Rashid Ahmed (@ShkhRasheed) December 8, 2022
سابق وزیر داخلہ نے کہا کہ جس طرف حالات جا رہے ہیں تو حکمرانوں کے پاس بھی اسمبلیاں توڑنے کے علاوہ کوئی راستہ نہیں ہے اور جس ڈار کو معیشت کا ارسطو بنا کر پیش کیا گیا اسی نے معیشت کا جنازہ نکال دیا۔
یہ بھی پڑھیں: توشہ خانہ کیس: حتمی دلائل کیلئے 13 دسمبر کی تاریخ مقرر
انہوں نے کہا کہ نیو کلیئر پاور کے پاس پورٹ سے پیاز چھڑانے کے پیسے نہیں ہیں اور ہم جلد سنیں گے کہ ان کے پاس تنخواہ اور پینشن کے بھی پیسے نہیں ہیں۔ وزیر اعلیٰ پنجاب پرویز الہیٰ چیئرمین پی ٹی آئی عمران خان کے کہنے پر اسمبلیاں تحلیل کر دیں گے۔
جس طرف حالات جارہےہیں حکمرانوں کےپاس بھی اسمبلی توڑنے کے علاوہ کوئی راستہ نہیں۔جس ڈارکومعیشت کا ارسطو بناکرپیش کیااس نےمعیشت کاجنازہ نکال دیا۔نیوکلیئرپاورکےپاس پورٹ سےپیازچھڑانےکےپیسےنہیں۔جلد سنیں گےتنخواہ اورپینشن کےپیسےنہیں ہیں۔پروزالٰہی عمران خان کےکہنےپراسمبلیاں تحلیل کردینگے
— Sheikh Rashid Ahmed (@ShkhRasheed) December 8, 2022
