پاکستان تحریک انصاف (پی ٹی آئی) کے رہنما زلفی بخاری نے کہا ہے کہ ان کے بہنوئی فہد ملک کے قتل کیس میں ان کی بہن و اہل خانہ کو انصاف نہیں ملا۔
سماجی رابطے کی ویب سائٹ ٹوئٹر سے جاری پیغام میں انہوں نے کہا کہ بیرسٹر فہد ملک کی بیوہ اور بچوں نے 6 سال مقتول کے بہیمانہ قتل کےانصاف کا انتظار کیااورآج ملزمان کوپھانسی کی سزا کی بجائےعمرقید دےکرانصاف کےتقاضے پورے نہیں کیے۔
انہوں نے کہا کہ مقتول کےورثاءکواب ہائی کورٹ سےانصاف کی امیدہے۔اعلی عدلیہ سے استدعا ہےقانون کےمطابق قاتلوں کو کیفر کردار تک پہنچایا جائے۔
بیرسٹر فہد ملک کی بیوہ اور بچوں نے 6 سال مقتول کے بہیمانہ قتل کےانصاف کا انتظار کیااورآج ملزمان کوپھانسی کی سزا کی بجائےعمرقید دےکرانصاف کےتقاضے پورے نہیں کیےگئےمقتول کےورثاءکواب ہائی کورٹ سےانصاف کی امیدہے۔اعلی عدلیہ سے استدعا ہےقانون کےمطابق قاتلوں کو کیفر کردار تک پہنچایا جائے https://t.co/786YNg1WSj
— Sayed Z Bukhari (@sayedzbukhari) October 18, 2022
خیال رہے کہ اسلام آباد کی ایک مقامی عدالت نے پاکستان تحریک انصاف کے رہنما زلفی بخاری کے بہنوئی بیرسٹر فہد ملک کے قتل مقدمے میں نامزد تین ملزمان کو عمر قید کی سزا سنا دی ہے۔
ڈسٹرکٹ اینڈ سیشن جج عطا ربانی نے منگل کو چھ سال پرانے قتل کے مقدمے میں نامزد ملزمان راجہ ارشد، نعمان کھوکھر اور راجہ ہاشم کی کمرہ عدالت میں موجودگی میں محفوظ فیصلہ سنایا۔
عدالت نے چند روز قبل فریقین کے دلائل مکمل ہونے پر فیصلہ محفوظ کیا تھا۔