پاکستان تحریک انصاف (پی ٹی آئی ) کے رہنما فواد چودھری نے کہا ہے کہ عمران خان نے پاکستان کو سری لنکا بننے سے روکا ہوا ہے۔
ہم نیوز کے پروگرام ہم مہر بخاری کے ساتھ میں گفتگو کرتے ہوئے انہوں نے کہا کہ عمران خان کے خلاف کیس ہی جعلی ہے،وہ واحد شخص ہے جس کی آواز ملک بھر میں سنی جاتی ہے۔
ان کا کہنا تھا کہ نوازشریف عمران خان کے قد کے لیڈر نہیں ہے، عمران خان کے چاہنے والوں کی تعداد کروڑوں میں ہے۔انہیں گرفتار کریں تو عوام باہر نکلیں گے۔
شہبازگل صحت مندہے تو پھر ملاقات پر کیوں پابندی ہے؟فواد چودھری
فواد چودھری نے کہا کہ تنقید کو برداشت کیا جانا چاہیے، اداروں سے نہیں افراد سے مایوس ہوتے ہیں، تحریک انصاف کی اسٹبلشمنٹ ہمارے ورکرز ہیں۔
وفاقی وزیر داخلہ کے خلاف مقدمے سے متعلق سوال پر انہوں نے کہا کہ رانا ثنا اللہ دہشتگردی کیس میں گجرات میں گرفتار ہو جائیں گے۔
