لاہور: مسلم لیگ ن کی نائب صدر مریم نواز نے کہا ہے کہ شہباز شریف نے جوانوں کا مورال بلند کیا جبکہ عمران خان اور ان کا جتھہ املاک کو نقصان پہنچا کر رفوچکر ہو گیا۔
مسلم لیگ ن کی نائب صدر مریم نواز نے سماجی رابطے کی ویب سائٹ ٹوئٹر پر لکھا کہ جگہ ایک ہی ہے مگر ایجنڈا مختلف۔ عمران خان اور اس کا جتھہ گزشتہ رات آگ لگا کر بھاگ گیا۔
انہوں نے کہا کہ جتھہ اسلام آباد جلا کر اور املاک کو نقصان پہنچا کر رفوچکر ہو گیا جبکہ شہباز شریف نے جوانوں کا مورال بلند کیا اور مثبت قومی سوچ کو فروغ دیا۔
یہ بھی پڑھیں: پاکستان انتشار اور بدامنی کا متحمل نہیں ہو سکتا، وزیر اعظم
مریم نواز نے کہا کہ شہباز شریف نے آج اس جگہ جا کر قوم کے زخموں پر مرحم رکھا جہاں جتھہ کل رات املاک کو نقصان پہنچا کر رفوچکر ہو گیا۔
جگہ ایک ہی ہے مگر ایجنڈا مختلف! فتنہ خان اور اس کا جتھہ کل رات یہاں آگ لگا کر بھاگ گیا۔ دارالخلافہ جلا کر، املاک کو نقصان پہنچا کر رفوچکر ہو گیا۔ شہباز شریف نے آج اس جگہ پر قوم کے زخموں پر نا صرف مرحم رکھا، جوانوں کا مورال بلند کیا بلکہ ایک مثبت قومی سوچ کو فروغ دیا۔ 🇵🇰 pic.twitter.com/NaFXPEhWoX
— Maryam Nawaz Sharif (@MaryamNSharif) May 26, 2022
