عوامی مسلم لیگ کے سربراہ شیخ رشید نے قومی اسمبلی سے استعفیٰ دے دیا.
شیخ رشید نے استعفی ٰچیف وہیپ قومی اسمبلی ملک عامر ڈوگر کو بھجوایا، رکن قومی اسمبلی شیخ راشد نے شیخ رشید کا استعفیٰ پہنچایا۔
گزشتہ روزسابق وزیر داخلہ شیخ رشید کا کہنا تھا کہ ہم قومی اسمبلی سے استعفے دے رہے ہیں ،قبول نہ ہوئے تو دیکھ لیں گے۔ یہ بھی رائے ہے کہ مرکز کے بعد صوبوں میں بھی استعفے دیئے جائیں۔
ان کا کہنا ہے کہ سب متفقہ طور پر استعفے دے رہے ہیں،یہ عمران خان کا فیصلہ ہے۔عمران خان نے فیصلہ کیا کہ مقصود چپڑاسی کو تسلیم نہیں کرینگے۔
یہ بھی پڑھیں: وزیراعظم شہباز شریف کو گارڈ آف آنر پیش کیا گیا
ان کا مزید کہنا تھا کہ عمران خان نے تین دفعہ میری تعریف کی ہے ،عمران خان نے کہا کہ شیخ رشید کا استعفوں کا فیصلہ درست تھا۔ جب تک الیکشن نہیں ہونگے ہم چین سے نہیں بیٹھیں گے۔شہبازشریف کی کرپٹ حکومت کونہیں چلنے دیں گے۔
یاد رہے گزشتہ روز شہباز شریف کے وزیراعظم منتخب ہونے سے پہلے ہی پاکستان تحریک انصاف نے قومی اسمبلی میں استعفوں کا اعلان کر دیا تھا، اور کئی ارکان نے استعفی ٹوئٹر پر بھی شئیر کیے، جن میں سابق وزیر مواصلات مراد سعید، علی حیدر زیدی، سابق وزیر شیریں مزاری کے نام شامل ہیں۔
