توبہ کے دروازے کھلے ہیں ، منحرف اراکین نظر ثانی کرسکتے ہیں،فوادچودھری


وفاقی وزیر اطلاعات فواد چودھری کا کہنا ہے کہ جو ارکان وزیراعظم کو ووٹ نہیں دینا چاہتے وہ استعفٰی دیں۔توبہ کے دروازے کھلے ہیں ، منحرف اراکین نظر ثانی کرسکتے ہیں۔

وزیراطلاعات فواد چودھری کا کہنا ہے کہ کسی کو دھوکہ دیناغیر مناسب ہے۔منحرف اراکین کے خلاف عوام میں غم وغصہ پایاجاتاہے۔ جو ارکان وزیراعظم کو ووٹ نہیں دینا چاہتے وہ استعفٰی دیں۔

انہوں نے کہا ہے کہ وزیر اعظم عمران خان کسی سے بھی بلیک میل نہیں ہوں گے۔ یہ لوگ پہلےعمران خان کےنام پرووٹ لیتےہیں،پھرلوٹےبن جاتےہیں۔

ان کا کہنا ہے کہ  تلخیاں بڑھ گئی ہیں ،کم کرنے کی ضرورت ہے۔توبہ کے دروازے کھلے ہیں، اراکین نظر ثانی کرسکتے ہیں۔بعض منحرف اراکین کےرشتہ دارفون کررہےہیں کہ انہیں چھڑوایا جائے۔

ان کا کہنا ہے کہ سندھ ہاوس میں جو ہوا اچھا نہیں ہوا۔ہم اپنا جلسہ کریں گے اپوزیشن اپنا جلسہ کرے۔

دوسری جانب تحریک انصاف نے منحرف اراکین کو نوٹس جاری کرتے ہوئے پارٹی چیئرمین عمران خان کے سامنے پیش ہونے کی ہدایت  کردی ہے۔

نوٹس نور عالم خان ، افضل ڈاھانڈ لاشیر وسیر ، راجہ ریاض کو جاری کیے گئے۔احمد حسین ڈیہڑ ، قاسم نون، غفارر وٹو ، عامر طلال گوپانگ اور باسط سلطان ،وجیہہ قمر ، رمیش کمار ، نزہٹ پٹھان اور ریاض مزاری کو بھی نوٹسز جاری کیے گئے۔


متعلقہ خبریں