پاکستان تحریکِ انصاف کے رہنما و سینیٹرفیصل جاوید خان نے کہا ہے کہ رواں سال مارچ میں آسٹریلیا، اکتوبر میں انگلینڈ اور نیوزی لینڈ کی ٹیمیں پاکستان آئیں گی۔
پی ایس ایل کے بارے میں ٹوئٹر پر فیصل جاوید کا کہنا تھا کہ پی ایس ایل ٹیمیں جذبے اور جنون کا گلدستہ سجانے جا رہی ہیں، نیک تمنائیں اور ڈھیروں دعائیں ان کے ساتھ ہیں، ان شاء اللّٰہ چوٹی کے مقابلے ہوں گے۔
کراچی کنگز،
کوئٹہ گلیڈی ایٹرز، لاہور قلندرز، پشاور زلمی، ملتان سلطان اور اسلام آباد یونائیٹڈ ملکر جوش، جزبے اور جنون کا گلدستہ سجانے جارہے ہیں- نیک تمنائیں اور ڈھیروں دعائیں- انشاء اللہ چوٹی کے مقابلے ہونگے- جو جیتا وہی سکندر- امید ہے جلد فل ہاؤس کراؤڈ کی اجازت ہوگی- #PSL2022— Faisal Javed Khan (@FaisalJavedKhan) January 27, 2022
انہوں نے لکھا کہ جو جیتا وہی سکندر- امید ہے جلد فل ہاؤس کراؤڈ کی اجازت ہوگی۔
رہنما پی ٹی آئی نے مزید کہا کہ 2020 میں پورے کا پورا پی ایس ایل پاکستان میں ہونے کی وجہ سے پاکستان میں پوری طرح سے انٹرنیشنل کرکٹ کی رونقیں بحال ہوئیں- اس سال مارچ میں آسٹریلیا اور اکتوبر میں انگلستان اور نیوزی لینڈ کی ٹیمز پاکستان کا دورہ کریں گی- انشاء اللہ