قومی کرکٹ ٹیم کے سابق کپتان شاہد آفریدی نے اپنے نام و نمبر کی کٹ شاہین شاہ کو ملنے پر خوشی کا اظہار کیاہے۔
انہوں نے کہا کہ انہیں فخر ہے کہ ان کی شرٹ شاہین آفریدی پہنیں گے۔
شاہین شاہ آفریدی کے ٹوئٹ پر ردعمل دیتے ہوئے شاہد آفریدی نے لکھا کہ میں نے اس شرٹ کو بڑے اعزاز اور فخر کے ساتھ پہنا تھا، مجھے خوشی ہے کہ اب نمبر 10 جرسی شاہین پہنیں گے۔ جو اس کے حقدار ہیں۔
سابق کپتان نے شاہین کے لیے نیک خواہشات کا اظہار بھی کیا اور کہا کہ بلند پرواز رکھتے ہوئے پاکستان کا نام روشن کریں۔
I wore this shirt with great honour and pride, I’m delighted that the #10 shirt will now be worn by Shaheen.who is a truly worthy successor! Shaheen I wish you the very best, continue to rise and wear ?? colours with the greatest pride. https://t.co/A6CdfcG467
— Shahid Afridi (@SAfridiOfficial) September 16, 2021
اس سے قبل شاہین آفریدی نے اپنے ٹوئٹر پیغام میں اعلان کیا تھا کہ اب شاہد آفریدی کی شرٹ کے نمبر والی شرٹ ہی ان کی بھی ہوگی۔
شاہین شاہ کا کہنا تھا کہ یہ صرف ایک شرٹ نمبر نہیں، یہ ایمانداری، خودداری اور پاکستان سے بے پناہ محبت کی نمائندگی کرتا ہے، مجھے فخر ہے کہ اب میں لالہ کے 10 نمبر والی شرٹ میں پاکستان کی نمائندگی کروں گا۔
یہ بھی پڑھیں: قومی کرکٹ ٹیم کی نئی کٹ، شاہین آفریدی کو لالہ کا نمبر مل گیا
خیال رہے کہ پاکستان سپر لیگ میں لاہور قلندرز کی نمائندگی کرتے ہوئے شاہین آفریدی پہلے ہی ’آفریدی‘ نام والی 10 نمبر کی جرسی پہنا کرتے تھے۔
یاد رہے کہ شاہد آفریدی کی بیٹی کا رشتہ شاہین آفریدی سے طے پا چکا ہے، جس کا باضابطہ اعلان نہیں کیا گیا لیکن ایک ٹی وی شو میں پوچھے گئے سوال پر شاہد آفریدی نے پہلے تو الحمداللہ کہا اور پھر دوسرے سوال کے جواب میں انشاءاللہ کہتے ہوئے اس نئے رشتے کی تصدیق کی۔