اسلام آباد: پاکستان مسئلہ افغانستان پر خصوصی کانفرنس کی میزبانی کرے گا۔ یہ بات وفاقی وزیر اطلاعات و نشریات فواد چودھری نے سماجی رابطے کی ویب سائٹ ’ ٹوئٹر‘ پر جاری کردہ ایک بیان میں بتائی ہے۔
برطانیہ نے طالبان حکومت کے ساتھ کام کرنے پہ رضامندی ظاہر کردی
پاکستان تحریک انصاف سے تعلق رکھنے والے وفاقی وزیر اطلاعات و نشریات فواد چودھری نے کہا ہے کہ وزیر اعظم عمران خان نے اس ضمن میں سابق افغان صدر حامد کرزئی سے ٹیلی فونک رابطہ کیا ہے۔
مجوزہ کانفرنس میں حامد کرزئُ سمیت اہم ترین افغان قیادت کو شمولیت کی دعوت دی گئ ہے، ہمیں امید ہے کہ اس اہم ڈویلپمنٹ کے نتیجے میں افغانستان کے مسائل کے حل کی نئ امید جاگے گی،
— Ch Fawad Hussain (@fawadchaudhry) July 14, 2021
وفاقی وزیر فواد چودھری کے مطابق پاکستان کی جانب سے منعقد کی جانے والی خصوصی کانفرنس کی تفصیلات جلد سامنے لائی جائیں گی۔
انہوں نے بتایا ہے کہ خصوصی کانفرنس میں شرکت کے لیے حامد کرزئی سمیت اہم افغان قیادت کو دعوت دی گئی ہے۔
ہم بتا رہے ہیں، افغانستان میں حالات خراب ہورہے ہیں، دنیا آنکھیں چرا رہی ہے: فواد چودھری
وفاقی وزیر فواد چودھری نے کہا ہے کہ امید ہے کہ اس کانفرنس سے افغان مسئلے کے حل کی نئی امید جاگے گی۔
