ملک بھر میں گزشتہ 24 گھنٹوں کے دوران عالمی وبا کورونا وائرس سے مزید 40 افراد جاں بحق ہوگئے۔
نیشنل کمانڈ اینڈ آپریشن سینٹر (این سی او سی) کی جانب سے تازہ اعدادو شمار کے مطابق 24 گھنٹوں میں کورونا کے مزیدایک ہزار37 نئے کیسز سامنے آگئے. کورونا کیسز کی مجموعی تعداد 9 لاکھ 58 ہزار 408 ہوگئی۔
این سی او سی کے مطابق ملک بھر میں کورونا سے اموات کی مجموعی تعداد 22 ہزار 321 ہوگئی۔ ملک بھر میں میں کورونا کی شرح 2.2 فیصد رہی۔
این سی او سی کے مطابق گزشتہ 24 گھنٹوں کے دوران ملک میں 46 ہزار 145 کورونا ٹیسٹ کیے گئے۔
مزید پڑھیں: اسلام آباد: کورونا پابندیوں میں نرمی کا نوٹیفکیشن جاری
این سی او سی کے مطابق ملک میں کورونا کے 1 ہزار 8 سو 44 کورونا مریضوں کی حالت تشویش ناک ہے۔
این سی او سی کے مطابق 24 گھنٹے کے دوران کورونا کے ایک ہزار 836 مریض صحت یاب ہوئے، جس کے بعد صحت یاب ہونے والے افراد کی مجموعی تعداد 9 لاکھ 4 ہزار 320 ہوگئی۔
این سی او سی کے مطابق سندھ میں کورونا کیسز کی تعداد 3 لاکھ 37 ہزار 674، خیبر پختونخوا میں 1 لاکھ 38 ہزار 68، پنجاب میں 3 لاکھ 46 ہزار 301، بلوچستان میں 27 ہزار 178، اسلام آباد میں 82 ہزار 706، آزاد کشمیر میں 20 ہزار 343اور گلگت بلتستان میں 6 ہزار 138 ہے۔
این سی او سی کے مطابق اب تک ملک بھر میں 1 کروڑ 29 لاکھ 38 ہزار 7 سو 21 افراد کو کورونا کی سنگل خوراک، 30 لاکھ 32 ہزار 9 سو 20 افراد کو مکمل خوراک دی جاچکی ہیں۔ اب تک 15 کروڑ 97 لاکھ 16 ہزار 411 افراد کو خوراکیں دی جاچکی ہیں۔
