لندن: برطانیہ کے وزیراعظم بورس جانسن نے خود کو قرنطینہ کرلیا ہے۔ وہ تمام حکومتی امور 10 ڈاؤننگ اسٹریٹ والی سرکاری رہائش گاہ سے انجام دیں گے۔
برطانوی وزیراعظم کو اسپتال سے ڈسچارج کر دیا گیا
ہم نیوز نے عالمی خبر رساں ایجنسی کے حوالے سے بتایا ہے کہ برطانوی وزیراعظم بورس جانسن میں کورونا وائرس کی علامات ظاہر نہیں ہوئی ہیں اور نہ ہی ان کا کورونا ٹیسٹ مثبت آیا ہے لیکن انہوں نے کورونا سے متاثرہ ایک شخص سے ملاقات کی تھی جس کے بعد وہ قرنطینہ میں چلے گئے ہیں۔
برطانوی وزیراعظم بورس جانسن نے اس حوالے سے سماجی رابطے کی ویب سائٹ ’ٹوئٹر‘ پر کہا ہے کہ وہ پوری طرح صحتمند ہیں اور اچھا محسوس کررہے ہیں لیکن انہوں نے خود کو قرنطینہ کر لیا ہے۔
برطانوی شہزادہ ولیم کو کورونا: شاہی خاندان نے پوشیدہ رکھا
بورس جانسن کا کہنا ہے کہ وہ اپنے معمول کے امور 10 ڈاؤننگ اسٹریٹ والے گھر سے انجام دیں گے۔
Hi folks, I’ve been instructed by our NHS Test & Trace scheme to self-isolate for two weeks, after being in contact with someone with Covid-19.
I’m in good health and have no symptoms, and will continue to lead on our response to the virus & our plans to #BuildBackBetter pic.twitter.com/yNgIme8lOz
— Boris Johnson (@BorisJohnson) November 16, 2020
برطانوی وزیراعظم بورس جانسن کا اسی سال پہلی لہر کے دوران کورونا ٹیسٹ مثبت آیا تھا جس کے بعد انہیں اسپتال میں بھی زیر علاج رہنا پڑا تھا۔
برطانوی وزیر اعظم بورس جانسن کے ہاں بیٹے کی پیدائش
خبر رساں ایجنسی کا کہنا ہے کہ گزشتہ ہفے وزیراعظم نے ایم پیز کے ایک گروپ سے ملاقات کی تھی جس میں سے ایک شخص کا بعد میں کورونا ٹیسٹ مثبت آگیا تھا۔
لاک ڈاؤن میں نرمی کرنے کی پوزیشن میں نہیں ہیں، بورس جانسن
برطانیہ میں کورونا متاثرین کی تعداد 12 لاکھ سے زائد ہو چکی ہے۔ برطانیہ میں عالمی وبا قرار دیے جانے والے کورونا وائرس کے سبب 50 ہزار سے زائد اموات ہوچکی ہیں۔