نواز شریف کی میڈیکل رپورٹس حکومت کو نہیں دی گئیں، زرتاج گل

زرتاج گل

’’زرتاج گل لاکھوں کا چکمہ دے گئی‘‘ بارڈر ملٹری پولیس تھانے میں ایف آئی آر درج


اسلام آباد: وزیر برائے موسمیاتی تبدیلی زرتاج گل نے کہا ہے کہ نواز شریف کی میڈیکل رپورٹس حکومت کو ابھی تک نہیں دی گئیں۔

وزیر برائے موسمیاتی تبدیلی زرتاج گل نے ہم نیوز کے پروگرام صبح سے آگے میں گفتگو کرتے ہوئے کہا کہ مسلم لیگ ن جنگ ہار چکی ہے۔ کچھ روز قبل تک مسلم لیگ ن کے رہنما کہتے رہے کہ ملک کو نواز شریف کی ضرورت ہے لیکن آج جب حکومت نواز شریف کی وطن واپسی کی بات کرتی ہے تو ن لیگی رہنماوَں کو مسئلہ ہو جاتا ہے۔

انہوں نے کہا کہ توشہ خانہ کیس میں بھی عدالت نے نواز شریف کا پوچھا جبکہ نواز شریف کی میڈیکل رپورٹس حکومت کو ابھی تک نہیں دی گئیں۔

وزیر موسمیاتی تبدیلی نے کہا کہ وزیر اعظم پورٹل پر شکایات ماحولیات سے متعلق بھی ہوتی تھیں اور ہمیں شکایات موصول ہوئی تھیں کہ کہاں کہاں پر درخت کاٹے جا رہے ہیں۔

انہوں نے کہا کہ وزارت نے تمام شکایات کا ازالہ کرنے کی بھرپور کوشش کی اور ہم نے عوام کی دی گئی معلومات پر کام تیز کیا۔ اس وقت وزارت موسمیاتی تبدیلی پر ذمہ داریاں بڑھ گئی ہیں۔

یہ بھی پڑھیں: واپس جانے کیلئے فضل الرحمان کی منت کس نے کی تھی؟

زرتاج گل نے کہا کہ لوگوں میں صفائی، ماحولیات اور درخت کے فوائد سے متعلق شعور اجاگر ہوا ہے۔ ہم نے ملک میں پہلی بار ریڈ ڈیٹا بک متعارف کی۔

انہوں ںے کہا کہ نیشنل پارک میں تعمیرات کے باعث پرندے اب نظر نہیں آتے، پارک میں تعمیرات کی اجازت ماضی میں کسی نے تو دی تھی لیکن اب نیشنل پارک میں تعمیرات کی اجازت نہیں ہو گی۔


متعلقہ خبریں