کراچی: کراچی کے تاجروں نے مارکیٹیں رات دیر تک کھولنے کا مطالبہ کر دیا۔
ہم نیوز کے مطابق کراچی کی تاجر تنظیموں نے مارکیٹیں ہفتے اور اتوار کو رات دیر تک کھولنے کا مطالبہ کرتے ہوئے کہا کہ سندھ اور وفاقی حکومتیں کاروباری آسانیاں پیدا کریں۔
تاجر رہنما نے کہا کہ کراچی تجارت کا حب ہے اس لیے یہاں تجارتی سرگرمیوں کی بحالی کی اجازت دی جائے۔
چار روز قبل شہر قائد کے تاجروں نے دعویٰ کیا تھا کہ حکومت نے اتوار کے دن بازار کھولنے کی اجازت دینے کے لیے ایس او پیز مانگ لیے ہیں۔
آل کراچی تاجراتحاد نے آن لائن بزنس سے متعلق ایس او پیز کو مسترد کر دیا
ہم نیوز کے مطابق آل سٹی تاجر اتحاد اور کمشنرکراچی کے درمیان جاری مذاکرات ختم ہوئے تو تاجروں کے نمائندہ افراد نے ہم نیوز کو بتایا کہ ہمیں آئندہ ایک ہفتے میں درپیش مسائل حل کرنے کی یقین دہانی کرائی گئی ہے۔
شرجیل گوپلانی کا کہنا تھا کہ کچھ بازاروں کو ایس او پیز کے ساتھ کھولنے کی اجازت مل جائے گی۔
