اسلام آباد: وفاقی وزیر برائے منصوبہ بندی اسد عمر نے کہا ہے کہ کورونا وائرس کی وجہ سے اسپتالوں پر دباؤ بڑھ رہا ہے۔
میڈیا کو دیئے گئے وڈیو بیان میں انہوں نے کہا کہ کورونا وائرس سے بچاؤ کا واحد حل احتیاط ہے، صحت کے نظام میں بہتری سے متعلق صوبوں کے ساتھ تعاون کر رہے ہیں۔
In the last one week federal govt has distributed 250 ventilators. Of these 72 were given to punjab, 52 each to sind and kp and 20 to balochistan. Balance were given to AJK, GB and islamabad
— Asad Umar (@Asad_Umar) June 7, 2020
اسد عمر کا کہنا تھا کہ ایک ہفتے میں 250 وینٹی لیٹرز صوبوں کو فراہم کیے گئے، حکومت رواں ماہ میں ایک ہزار آئی سی یو بیڈز یقینی بنائے گی۔
We have decided in the NCOC meeting this morning that the federal government will ensure increase of 1000 beds with oxygen supply capability in the major cities of the country within the month of june
— Asad Umar (@Asad_Umar) June 8, 2020
ان کا کہنا تھا کہ کورونا وائرس کی وجہ سے اسپتالوں پر دباؤ بڑھ رہا ہے، جولائی میں کورونا ٹیسٹ استعداد میں اضافہ کیا جائے گا۔
خیال رہے کہ پاکستان میں کورونا وائرس سے متاثر ہونے والے افراد کی تعداد 1 لاکھ 3 ہزار 671 افراد میں اس وائرس کی تشخیص ہو چکی ہے جب کہ 2 ہزار 67 افراد جان کی بازی ہار گئے ہیں۔
نیشنل کمانڈ اینڈ آپریشن سنٹر کی جانب سے جاری کیے گئے اعدادوشمار کے مطابق گزشتہ 24 گھنٹوں کے دوران 4 ہزار 728 نئے کیسز رپورٹ ہوئےجبکہ مزید 65 افراد جاں بحق ہوئے ہیں۔ ملک بھر میں کورونا سےمتاثرہ 34 ہزار 355 مریض صحتیاب ہو گئے۔
یہ بھی پڑھیں: دنیا بھر میں کورونا سے اموات کی تعداد 4 لاکھ سے تجاوز کر گئیں
پاکستان کا صوبہ پنجاب میں کورونا کے سب سے زیادہ مریض ہیں جہاں اب تک 38 ہزار 903 کیسز رپورٹ ہو چکے ہیں۔ سندھ میں 38 ہزار 108، خیبرپختونخوا میں 13 ہزار 487، بلوچستان میں 6 ہزار 516، اسلام آباد میں 5 ہزار 329، آزادکشمیر میں 396 اور گلگت بلتستان میں 932 کیسز رپورٹ ہوئے ہیں۔
کورونا وائرس کے باعث سب سے زیادہ اموات پنجاب میں ہوئی ہیں جہاں 715 افراد جان کی بازی ہار چکے ہیں۔ سندھ میں 650، خیبر پختونخوا میں 575، اسلام آباد میں 52، گلگت بلتستان میں 13، بلوچستان میں 54 اور آزاد کشمیر میں 8 افراد کورونا وائرس سے جاں بحق ہو چکے ہیں۔
ملک بھر میں 24 گھنٹوں کے دوران 38 ہزار 108 ٹیسٹ کیے گئے گئے جب کہ مجموعی طور پر 7 لاکھ پانچ ہزار 833 ٹیسٹ لیے جا چکے ہیں۔
