اسلام آباد: وزیر اعظم کی معاون خصوصی ڈاکٹر فردوس عاشق اعوان نے کہا ہے کہ کورونا وائرس نے ترقی پذیر ممالک کے عوام کی صحت اور معیشت کو ہلا کر رکھ دیا ہے۔
معاون خصوصی برائے اطلاعات ونشریات ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر کہا کہ وزیر اعظم معا
کرونا کے چیلنج نے بالخصوص ترقی پذیر ملکوں کے عوام کی صحت اور معیشت کو ہلا کر رکھ دیا ہے۔وزیراعظم عمران خان کی دنیا سے قرضوں میں ریلیف کی اپیل ترقی پذیر ممالک کے غریب عوام کی آواز ہے۔ ترقی پذیر ممالک میں کرونا کے سماجی اور معاشی اثرات زیادہ گھمبیر ہو سکتے ہیں۔
— Dr. Firdous Ashiq Awan (@Dr_FirdousPTI) April 13, 2020
انہوں نے کہا کہ ترقی پذیر ممالک میں کورونا کے سماجی اور معاشی اثرات زیادہ گھمبیر ہو سکتے ہیں اور بحران سے نمبرد آزما ہونے کے لیے ایک مؤثر عالمی ردعمل وقت کا اہم تقاضا ہے۔
فردوس عاشق اعوان نے کہا کہ اقوام متحدہ جیسے عالمی اداروں کو ریلیف کا لائحہ عمل مرتب کرنے میں قائدانہ کردار ادا کرنا ہو گا۔ کورونا وائرس نے ترقی پذیر ممالک کے عوام کی صحت اور معیشت کو ہلا کر رکھ دیا ہے۔
اس بحران سے نمبردآزما ہونے کیلئے ایک مؤثر عالمی ردعمل وقت کا اہم تقاضا ہے۔اقوام متحدہ جیسے عالمی اداروںکوانسانی حقوق کے آفاقی منشورپر کاربندرہتے ہوئے تیسری دنیا کے عوام کوبھوک اورافلاس سے بچانے کیلئے وسائل کی فراہمی اورریلیف کالائحہ عمل مرتب کرنے میں قائدانہ کرداراداکرنا ہو گا۔
— Dr. Firdous Ashiq Awan (@Dr_FirdousPTI) April 13, 2020
واضح رہے کہ پاکستان میں کورونا وائرس کی وجہ سے اب تک 93 افراد جاں بحق اور 5 ہزار 374 متاثر ہو چکے ہیں جبکہ 44 کی حالت تشویشناک ہے۔
نیشنل کمانڈ اینڈ آپریشن سینٹر کے مطابق ملک پاکستان میں کورونا وائرس کےایک ہزار 95 مریض صحت یاب ہو چکے ہیں۔
پنجاب میں کورونا کے سب سے زیادہ 2594 مریض رپورٹ ہوئے ہیں۔ سندھ میں ایک ہزار 411، خیبرپختونخوا میں 744 اور بلوچستان میں 230 مریض رپورٹ ہو چکے ہیں۔ گلگت بلتستان 224، اسلام آباد 131 اور آزاد کشمیر میں 40 مریض رپورٹ ہوئے ہیں۔
کورونا سے سندھ میں 30، پنجاب 21، کے پی 34، گلگت بلتستان 3، بلوچستان 02 اور اسلام آباد میں بھی ایک مریض جاں بحق ہو چکا ہے۔
کورونا کے پھیلاؤ کو روکنے کے لیے ملک بھر میں کریک ڈاؤن جاری ہے جبکہ لاہور شہر کے 12 علاقوں کو سیل کیا گیا ہے اور پشاور میں بھی 5 مقامات کو 14 روز کے لیے قرنطینہ کر دیا گیا ہے۔
