اسلام آباد: وزیراعظم عمران خان نے کہا ہے کہ ضرورت مندوں کو نقد رقوم کی منتقلی حکومت کا بڑا کارنامہ ہے۔
اپنے ایک ٹوئٹ میں انہوں نے کہا کہ ملک میں بڑے پیمانے پر ضرورت مندوں میں رقم تقسیم کی جارہی ہے۔
ملک بھر میں اتنے بڑے پیمانے پر معاشرے کے ضرورت مند افراد میں نقد رقوم کی تقسیم بلاشبہ ہماری حکومت کا ایک بڑا کارنامہ ہے۔ آئندہ 2 ہفتوں کے دوران 12 ملین خاندانوں میں 144 ارب روپیہ تقسیم کیا جائے گا۔
pic.twitter.com/n0CnbwKWeL— Imran Khan (@ImranKhanPTI) April 9, 2020
انہوں نے کہا کہ آج پاکستان کی تاریخ میں پہلی مرتبہ کسی حکومت کی جانب سے معاشرے کے ضرورت مند اور نادار افراد کو براہ راست مالی امداد کی فراہمی کے سب سے بڑے پروگرام کا باضابطہ اجراء کیا گیا ہے۔
وزیراعظم عمران خان نے مزید کہا کہ 2 ہفتے میں ایک کروڑ 20 لاکھ خاندانوں میں 144 ارب روپے تقسیم ہوں گے۔
