گھانا: مغربی افریقہ کے ایک شہر میں وسائل کی کمی کے باعث اسکولوں میں ٹیچرز کو کافی مشکلات کا سامنا تھا۔ ایسے ہی کسی اسکول میں ایک ٹیچر نے انفارمیشن اور کمیونیکیشن ٹیکنالوجی کا مضمون پڑھانے کا بیڑہ اٹھایا۔
آوراہ کاوادو ہوتش نے ٹیکنالوجی جیسا جدید مضمون بہترین انداز میں سیکھانے کے لئے ایک انوکھا طریقہ تلاش کیا اور سماجی رابطوں کی ویب سائٹ فیس بک پر اپنی کہانی لکھ ڈالی۔
https://www.facebook.com/hottish.owura/posts/1948212815208114
پانچ فروری کو آوراہ کاوادو نے فیس بک پوسٹ میں لکھا کہ گھانا کے اسکول میں بلیک بورڈ پر آئی سی ٹی پڑھانا بہت مضحکہ خیز ہے۔ لیکن چونکہ مجھے اپنے طلباء سے پیار ہے اس لئے میں ان کو سکھانے کے لئے کچھ بھی کروں گا۔
آوراہ کاوادو کی پوسٹ کچھ عرصے میں ٹوئیٹر پر پہنچ گئی۔ ٹوئیٹر پر ایک ٹیک اینٹرپینیور(ٹیکنالوجی کا کاروبار کرنے والے) ربیکا اینون چونگ نے ٹیچر کو اپنا ہیرو قرار دیا۔
This picture has been circulating on web. Does anyone know what country? This teacher is my hero. I want to find him. #TeachingIsAVocation pic.twitter.com/k7d0ysKrDj
— Rebecca Enonchong (@africatechie) February 25, 2018
ربیکا اینون چونگ نے ٹوئیٹر صارفین سے اس ٹیچر کو ڈھونڈنے میں مدد بھی مانگی جس میں وہ کامیاب ہوئیں۔ جس کے بعد انہوں نے مائیکروسافٹ سے گھانا کے ٹیچر کی مدد کرنے کی درخواست کر ڈالی۔
ربیکا نے دنیا کی سب سے بڑی آئی ٹی کمپنی مائیکروسافٹ کے افریقا میں قائم آفس سے ٹیچر کو مناسب وسائل فراہم کرنے کی درخواست کی۔
Hey @MicrosoftAfrica, he’s teaching MS Word on a blackboard. Surely you can get him some proper resources. https://t.co/u8N3eXguXS
— Rebecca Enonchong (@africatechie) February 25, 2018
گھانا کے ٹیچر کی قسمت اس وقت بدلی جب مائیکروسافٹ افریقا نے ربیکا اینون چونگ کی درخواست قبول کر لی۔
مائیکروسافٹ افریقہ کا جوابی ٹویٹ میں کہنا تھا کہ تعلیم میں ڈیجیٹل تبدیلی لانا ہی ہمارا مشن ہے۔ کمپنی جلد ہی آوراہ کاوادو کو مائیکروسافٹ پروگرام اور مفت وسائل فراہم کردے گی۔
Supporting teachers to enable digital transformation in education is at the core of what we do. We will equip Owura Kwadwo with a device from one of our partners, and access to our MCE program & free professional development resources on https://t.co/dJ6loRUOdg
— Microsoft Africa (@MicrosoftAfrica) February 27, 2018
ربیکا اینون چونگ نے مائیکروسافٹ کا شکریہ ادا کیا اور کہا کہ آوراہ کاوادو اس کامیابی کا مستحق ہے۔
ایک جانب آوراہ کاوادو کی بے لوث خدمات کا صلہ انہیں سوشل میڈیا کے زریعے حاصل ہونے والی کامیابی سے ملا۔ دوسری جانب سوشل میڈیا کی اس انوکھی کہانی کے ہیرو کو بین الاقوامی میڈیا میں بھی بھر پور پزیرائی ملی۔
