چھوٹے سرفراز کی کرکٹ کھیلنے کی ویڈیو وائرل

کراچی : قومی ٹیم کے کپتان سرفراز احمد کے بیٹے عبداللہ کی گلی میں بچوں کے ساتھ کرکٹ کھیلتے ہوئے وڈیو سوشل میڈیا پر وائرل ہو گئی۔

سماجی رابطے کی ویب سائٹ پر جاری ویڈیو میں دیکھا جا سکتا ہے کہ عبداللہ بیٹنگ کررہے ہیں اور بلے کو سرفراز کی طرح ہوا میں لہرا بھی رہے ہیں۔

Abdullah raised bat after 50? and pure same stance batting out of the crease like @SarfarazA_54. Junior Kaptan❤ MaShaAllah? pic.twitter.com/4rNKJ9DaxJ

— Amin Ahmed (@amin_sidiqui) August 25, 2019

دوسری جانب ٹوئٹر پر صارفین نےعبداللہ کی اس وڈیو پر خوب تبصرے کئے ہیں جبکہ قومی ٹیم کے فاسٹ بولرمحمد عامر نے بھی وڈیو پر تبصرہ کرتے ہوئے عبداللہ کو کیوٹ قرار دیا ہے۔

یاد رہے کچھ ماہ قبل بھی سرفراز احمد نے اپنے ٹوئٹر اکاؤنٹ پر اپنے بیٹے عبد اللہ کے ساتھ کرکٹ کھیلنے کی ویڈیو شیئر کی جو کچھ ہی دیر میں وائرل ہوگئی۔

ویڈیو میں دیکھا جا سکتا ہے کہ پاکستانی کپتان اپنے بیٹے کے پیچھے کھڑے ہوکر وکٹ کیپنگ کے فرائض سرانجام دے رہے ہیں۔

گھر کے اندر بنائی گئی ویڈیو میں ایک شخص سرفراز کے بیٹے کو بولنگ کراتے بھی دکھائے دے رہے ہیں جن کی گیند بر سرفراز کے صاحبزادے شاندار شاٹ لگاتے ہیں تاہم اپنے والد ہی کی طرح رننگ زیادہ اچھی نہیں کرپاتے۔

سرفراز نے اپنی ٹوئٹ میں لکھا کہ ’میری اور عبداللہ کی رننگ ایک جیسی ہے۔‘

اس خبر کو فائل کرتے وقت اس ویڈیو کو 15 ہزار سے زائد مرتبہ لائیک جبکہ 15 سو سے زائد مرتبہ ری ٹوئٹ کی جاچکا ہے۔

اس سے قبل سرفراز کی عبد اللہ کے ساتھ گلی میں کرکٹ کھیلنے کی ویڈیو بھی وائرل ہوگئی تھی۔

اپنی ایک ٹویٹ میں پی ایس ایل 4 کی فاتح ٹیم کے کپتان نے اپنے بیٹے عبداللہ کے ہمراہ کرکٹ کھیلنے کی ویڈیو شیئر کرتے ہوئے لکھا کہ ’ کچھ عرصے پہلے تک ان ہی گلیوں میں، میں کرکٹ کھیلا کرتا تھا اور اب ماشااللہ میرے بیٹے کی باری ہے۔‘